ओरोफारिंक्स (टन्सिल)
प्राय: अड्किने वस्तुमा माछाका हड्डी पर्दछन् । सामान्यत: टन्सिलमा अड्किएको माछाको हड्डी सामान्य एनेस्थेसिया बिना हटाउन सकिन्छ ।
स्वालोविङ प्यासेज (निल्ने नली)
जब स्वालोविङ प्यासेजमा वस्तु अड्किन्छ, बिरामीले गला दबाउने, वमन गरेजस्तो गर्ने वा उल्टी गर्न सक्छ ।
बिरामीलाई हल्का “थ्रोट क्लियरिङ(गला सफा गर्ने)” खोकी हुन सक्छ तर तेज खोकी लाग्ने हुँदैन ।
हरेक निल्ने प्रक्रियामा घाँटी दुखाइ महसुस हुन्छ । यो दुखाइ कानसम्म फैलिन सक्छ ।
हाइपा फारिंक्स (टङ बेस र पिरिफर्म साइनसेस)
माछाका हड्डीहरू जिब्रोको फेदमा अड्किएको हुन्छ, ठ्याक्क एपिग्लोटिसको माथि (र ल्यारिंक्सको बाँकी भागमा) । कहिलेकाहिँ माछाका हड्डी पिरिफर्म साइनस (ल्यारिंक्सको छेउमा) वा इसोफेगसमा अड्किन्छ । माछाका हड्डीहरू जति तल गयो, यसलाई हटाउन त्यत्तिकै सामान्य एनेस्थेसियाको आवश्यकता पर्दछ ।[Ref:48]
इसोफेगस
इसोफेगसमा धेरै जसो अड्किने सिक्का र माछाका हड्डी हुन्, तर डिस्क ब्याट्री र सेफ्टी पिन अझ धेरै खतरनाक हुन्छन् । अन्य उदाहरणहरूमा बटन, बपालमा लाउने क्लिप, कागज र मासुको ठूलो टुक्रा पर्न सक्छन् । इसोफेगसमा अड्किने ठूला बाह्य वस्तुले ट्राकियालाई पछाडिबाट संकुचन गर्न सक्छ (वायु-मार्गमा अवरोध पैदा हुनसक्छ) ।
नेसोफारिंक्स
गला र नरम तालुको पछाडिबाट अड्किएका वस्तु विरलै रूपमा माथितिर ठेलिन सक्छन् । प्यासिफिक नर्थवेष्ट क्षेत्रमा सबैभन्दा धेरै नेसोफारिंक्समा अड्किने सेडारका झिक्रा हुन् । एक बच्चाको नासोफारिक्सबाट किन्डर सरप्राइज हवाइजहाजको रबर प्रोपेलर हटाइएको थियो ।
के तपाईँलाई थाहा थियो?!
घरमा ठूला भाइबहिनीहरूको उपस्थितिले चोकिङको जोखिम बढाउँछ, संभवतः खेलौना र अरु वस्तुहरू रहेका हुन्छन् र खुवाउने जस्ता हेरविचार कार्यहरू ठूला छोराछोरीले गर्ने गर्छन् ।[Ref:44]